ديوان اشعار الشيخ زايد رحمه الله 2

يتبع اشعار الشيخ زايد رحمه الله

رد رئيس الدولة على
الشاعر عبدالله بن شيبان

بِنْ عَليْ أَرْسَلْتْ لكْ عَاني

حَيّ جيلٍ يَـا لِنَـا عانـي""من صُويبٍ يبْغِي اْلعُونِـه
سَامْعِينه ابْسـرّ وِعلانـي""ونرتجي له حَظّ وامْعُونِـه
عِنْد مَضْنُوْنِهْ بِاَلاحْسَانـي""واحترامْ أوْعَطْفْ يَدْعُونِـه
بِنْ عَلي أرْسَلت لَك عانِـي""يُوم رَيْتْ الجيل مَظْمُونِـه
إحتِرمْهُمْ لَيْ لِهُـمْ شانـي""والهَوى له شَرْط يِرْعُونِـه
شَرْط واحدْ دُونْ لِه ثانـي""يْكتم إمَّا بِـه وَلا يْخُونِـه
لو تَشُوف ابْحالِك اوْهَانـي""في الهَوى إصْبر وْلِك عُونِه

رد رئيس الدولة على
الشاعر حمد بن سوقات

كِنْتْ لَوَّلْ تِلْعِيِ اِبْصُوتِكْ

يا حَمَد كَيْف اخْتِفى صُوتِك""عِقِبْ مَا انْتَه تِسْجَع اِْلوَنِّه
واْلمزامِلْ قَامَـتْ اتْفوتِـك""وِالهَوى تَرّكْتَـهْ أوْ فَنِّـه
كِنْتْ لَوَّلْ تِلْعِيِ اِبْصُوتِـكْ""في طَرَبْ وِالـوِدّ هَاوِنِّـه
خَايِفْ أنّ السَّعْد بيفُوتِـك""والزَّهَر ما تِخْضَعَـه فَنـهِّ
عَجِّل ابْجـدِّكْ وُمَجْهُـودِك""جـان دَرْبِ الـوُدّ مِتْلِنّـه
إلْمَها مَرَّنْ عَلى اوْرُودِكْ ""والرِّيُومْ اللِّي لِهِـنْ بَنِّـه
يِرْتعِنْ فِي خَطْرِةْ احْدُودِكْ""يَنْهِلِـن وايْعِلِّـنْ ابْسَنِّـه
لا تْحَرِّمْ نَفْسَـكَ أو ذُوْدِك""أوْ لا تْخَلِّي اْلقَلْبْ في هَنِّه

رد رئيس الدولة على
الشاعر عبدالله بن شيبان

لا يِغِرّكْ لَيْ بالأَلوَاني

بِنْ عَلي تشْكُو أوْلِي عَاني""ويْعِتِك مِنْ لَيْ زَها لُونِـه
بُو حَواجِبْ سُودْ واقْراني""صَعْبْ وَصْلَه والوَعَر دُونِه
لا يِغِرِّكْ لَـي بِاْلالْوَانـي""ابْصِبغ واْلمكْيَاج يِطْلُونِـه
والمَلاحَه لَي لَها شَانـي""في مَعادِنْها أُو مَصْيُونِـه
إنْظِر الغَـوَّاص شِيْعانـي""في حُصُولْ الدِّرْ وِوْزُونِـه
في لِجِيج اْلبَحَر وِايْعَانِـي""يَقضِي الأَيَّـام والسُّونِـه
بِه ايْنال إيِّيـكَ فَرْحَانـي""أوبِه اتعوزِه نَظْرِة اللّونِه
حَبّة اْلجِيْون لَهـا شَانـي"" بِنْ عَلي إِصْبر ولِك عُونَه
كَمْ مِثْلَك صِوِّبِ إنْسانـي"" من قَبِل والآن يَطْرُونـه

رَد رئيس الدّولة عَلى
الشاعر محمَّد بن سُلطان الدرمَكي

يَابو جسيم الوقتْ مَافَات

يا شُوقْ حِلْوِينٍ أو زَيْنَـات""شَهْـمٍ ولَـك مِيـزَه نجيّـهِ
لاْ تسيِّـعْ الوَنِّـه ابْعَبْـرَات""أوْلا تكُون في فِكَـره قويِّـه
يَا بُو جسيم الوقتْ مَا فَـات""بَنْسِير بَـك سَيـرِه هَنيِّـه
غَيِّه وفيِها مْن الشّرَاَغـات""اطيُـورْ سِرْعَـاتٍ وِحِـيّـهِ
متعَلّمَاتْ الصّيد فَي اوْقَـات""ومـدَرّبـاتٍ بالـسِّـوِيّـه
مَا شيْ شَرَدْ عَنْهِنْ ولاَ فَات""صَقَّارِهِـنْ نَفْسَـه رِهِـيّـهِ
مَا يْتـمّْ يِعَـزا كـلّْ ثَبَّـات""لِـي يَلَّعـت لَـه لَوِّلِـيِّـه
في الطَّردْ مَا يَعْطِي مسَافاَت ""يِلْحَقْ اوْلِـه ضَرْبَـه قِوِيِّـه
لَي فيِ الخَلا رَاعِيه مَا بَات""وْلاَ صَوَّعْ الرَّبْـع اوْ خِوِيِّـه
لَي لِه مَعَ طَـرْدِه مصَابَـات""يشْلَـع ثَنَـادُ وهـا طِرِيِّـه
يَاَ ما نِزَلْ مْن الدَّمْ قَطْـرات""منْ ضَربْ كفِّه في اضْحَويِّه
وارْبوُعْنَا امثَالْهُـم امْيَـات""شِبّـانْ وانْفُسهُـم زِكِـيِّـه
لَيِ للِْخِوِي مَعْهـم مزيَّـات""حِشْمِهْ ومْـدَراةْ اوْ حِمِيّـهِ

رد رئيس الدولة على الدكتور مانع سعيد العتيبة

هـات الـقلم بكتب من القلب تعبير

هات القلم بكتب من القلـب تعبيـر""رداً على شاعرٍ من الحب مصطـاب
يهلاّهلا به عـد مـا لعلـع الطيـر""للود غّنا واعتـلا ابـراس مرقـاب
اعداد رعـد دن مـع بـرقٍ اينيـر""اضحى اوامسى ايسوق وسم السحاب
اسقى شمالٍ مع جنـوب المحاضيـر""في الشرق سالت منه وديان وشعاب
حي به نديمي صاحب الجود والخيـر""شاعر شكى لي من صدى الود منذاب
شطه غزالٍ كامـل الزيـن واصغيـر""سنـه اوشوفـه للمخاليـج جـذّاب
عنقه كما عنق الدمانـي يلـي ذيـر""شم العرب يافـل متـى هَّـب دولاب
والعين له عين المها وقـت لعصيـر""ذاير من القنّيص في قـاع مسحـاب
هـذاك لـي يلعيـه مانـع ابتأثيـر""من زود ودِّه عـن وداده فـلا تـاب
يبشر ابفزعتنـا علـى كـل تقديـر""دكتورنا الشاعر عسى الوقت له طاب

حيّ بنسيم الشَّرقِ لِمْريفْ

حي بنسيم الشَّرقِ لِمْريفْ ..... لي نَفْحِتَهْ نَرْجِـسْ iاوْ مَشْمُـوم

رَحَّبْتْ بِهْ واصْبَحْت في iiكَيْف ..... مِنّي أوْزالَتْ كِـلّْ iالِهْمُـوم

بَنْشِدك لَيْ مرّيت يا iiرِيْف ..... داره عسـى تِكْفَـا مِـن اللُّـوم

هَاتْ الخبر من دوُن تَكْلِيـف ..... يَالْمِطْلِعـي بِاْلخِبـر مَلـزوم

عن صاحبي عَذْب iiالمراهيف ..... شَرْهٍ يداري رَمْسِـةْ اللُّـوم

إيزِيْن لَيْ فيه iiالتَّواصِيف ..... رِيْـمٍ رَعـى مَنْبُـوتْ لِحْـزُوم

عَيْنْ لِوْضَيحِيْ في iiمكافيف ..... لـو لا لِبَـاسْ الـدِّلْ وِخْتُـوم

لِه مِن حِسِنْ يُوسف iiتواصِيف ..... وِانْ صَدّْ زاد امْحِبّه اهمُـوم

شِرْواتْ مِنْ مَرَّوا iiمناكيف ..... رَبْعَهْ وْصَـار ابحـوزة iالقـوم

وِانْ عَادْ لِه في ارْضَاه iiتَشْرِيف ..... فَرْحِةْ امْعَيِّد مِنْ عِقِبْ صُوم

لِمْحِبّْ لَيْ لِهْ قَلْبْ iiهَزِّيف ..... وصاب الغضي مَدْقُـوقْ لوْشُـوم

وِايْشَوِّجِه لَعَّايِـةْ iiالصّْيـف ..... وَرْقـا تِعَلَّـتْ راس مَزْمُـوم

وِحْمايِـمٍ فـي فَـنٍّ iiامْنيـف ..... إتوقِّـظ العشّـاق مِ النُّـوم

وانْ زَارِنِي لِهْ فيِ اْلكَرى طَيْف .....أسْعَد ولوفي لَحْظِـةْ احْلـوم

عَسَنّ بَـرْقٍ بـات رَفّيـف ..... مِزْنِـه كَسـا لِمْغيـب بِـرْدوم

وَسْمِي ايْسُوقَهْ بارد الرِّيـف ..... بـه مرعـد دنـان وغيـوم

حِبّـنَا مِتْوازِنْ ارْكُونَا

إِنْ هِوَيْتُونَـا هِويْناكُـم ... وْبَنْتِصَبَّـرْ لَـيْ جِفَيْتـونـا

مَا عَرَفنا اْليـاسِ وِيّاكُـم ... وِيـنْ بَتسيـرونْ تِلقونَـا

مستحيلْ إنْ كَـان نِنْساكُـم... لـو تِقَصَّدْتـوا تِهَجْرونـا

نِهْجِر الدّنيـا بِليّاكُـم ... دونِكُـم عمـري فـلا ايْكونـا

نِرْخص اْلغَالِي إلْعيناكم ... وكـلّ صَعْـبٍ إلكُـمْ إيْهونـا

في الصَّحَا والنّوم نِنْصاكُم ... لا تِسِدّوا الدَّرْبْ من دونـا

وفي الحشا والقلب سكناكم ... امشيّداتْ اقْصوْر وِاحْصونا

نُورْ ياضي مِنْ مَحَيّاكُم ... مِثل نور الصّبح فِـي اْلكونَـا

إنْفَرَدْتُوا فـي سِجَاياكُـم ... نادِرِيْـنْ الحِسْـن واللّونـا

لـوْ حِسَبْناهـا مِزاياكُـم ... يُوصَـل التِّعـدادْ مِليُونـا

شَافْ شَرْع الحبّ دَعْواكُم ... واْلهوى له شَرعْ مَضْمُونـا

عادلٍ لوْ كَـان يدْراكُـم ... ياْلغِضـي لَـيْ دوم مَزْبونـا

وإنْ طَلَبْتونا عِطيناكُـم ... وبـا انْزيّـد إلْكُـمْ أوزونـا

لوْ أخذتوُا الـزّود يِفْداكُـم ... حِبّنـا مِتْـوازِنْ اِرْكُونـا

التحمته حزت المغرب

إلْتِمْحْتِه حَزّت اْلمَغْرِبْ ... خَشِفْ رِيمٍ زاهِـي ابْطِيْبِـه

صُوْتْ لَحْنِه شيِّقٍ يطْرِب ... باللّطافَه أوْ زَيْـن تَرْتيبَـه

مِنْ صِوابِي قَلبي اتْعَذَّب ... كيف ذا اْلمحبُوب أسوِّيبـه

لَيْ أوصُوفَهْ بِاْلحِسِنْ تِنْهَبْ ... نَظْرِتِه يا مانِع عْجيبـه

رِمْشْ عِينَهْ كالسّهَمْ َضْرِبْ ... هُوْهْ لَي ايْعَالِجْ تصاوِيَبه

لَيْ وِدَاده يَاْلخِوِي مِتْعِبْ ... دُوْمْ نَفْسي فـي مِطَالِيبَـه

مِطْلَبَه بَيْهُونْ لُو يِصْعَبْ ... مِنْعزِلْ رِدْفِهْ عـن الحِيْبِـه

مِبْعِدٍ عَنّي ولوْ يِقْرَب ... فِـي نَظِرْتِـه يَبْـدِي اْلهيْبِـه

هُو غِذا للنّفس لو يِنْهَبْ ... خاضِعٍ لاَمْـرَه وْتِصاوِيبَـه

يعْل دَاره من اْلمِزِنْ تِشْرَبْ ... غيثْ مِ اْلمعبُود يَضْفِيْبِه

والجفاف امْن اْلبَلد يِذْهَبْ ... واْلمِياه اتْفيض في اشْعِيْبِه

واْلغِضِي مِنْ مَنْظَرَهْ يِطْرَبْ ... وكلِّها اْلجِيعَانْ تَغْنِي بِـه

ردود وشكايا رئيس الدولة مع الدكتور مانع سعيد العتيبة
حي بجوابٍ مِنْ فِطينْ

حيّ ابجوابٍ من فِطِينْ ...... مِشْتـاق لِلْخِـلّ اْلحنـون

يَلْعِي عليهم من سنين ...... كودْ أوْ عساهم يرحمـون

قبل الشِّقَا اوْ عوقه ايْبين ...... به روف يا عالي الزّبون

عنده لكم قَدْرٍ ثِمين ...... وْتِرْجَـحْ لكـم عنـده أوزون

دكتورنا يا: يستعين ...... فـي شفِّكـم وشُّـو تِبُـون

واحْنَا الِّذي له ثايبين ...... في الشَّفّ كِلْ شَيْ لِهْ ايْهون

عَادَاتْ عند الأوِّلِين ...... لَيْ مـن عِزوُهِـم يَفْزِعُـون

إرحم غريمك يا حِسِين ...... وخَلّك من اللّي يَرْحِمُـون

لا تَسْتِوي مالجاسِييْن ...... وتِلْحِجْ امْحبِّـك زُودْ هُـونْ

أنا أو مانع عارفيـن ...... الحِـبّ لـه مَعْنَـا فنُـون

نخفي صِفاتِهْ لا تْبِين ...... عن مُوْشيْ أوْ شَرّ العيـون

حَـيّ جـيلٍ يَـا مـن مْشقّا

حَيّ جيلٍ يَا من مْشقّا .... صَعـبْ مِطلـب خاطـره فوقـي

في خياله راد يتنقّا .... لي اوْصوله ايْعـوق لَـي ايْعوقـي

حاول ابْحيلك ولو تِرْقَا .... في وَعَرْ صَعْـبٍ بـلا اطْروقـي

والصّبر مرٍّ شرى العلقـا .... مـا ايْـوازَ: طَيَّـح النُّوقـي

لَيْ فِحِمت ارْجَعْ وَلا تِرْقا .... قِرّ فِـيْ أرضٍ بهـا اتْفوقـي

بالتَّأنِّي خَيْر بَا تِلْقـا .... طِيـعْ رَايـي أوْخَفِّـضْ الشُّوقـي

عِقِبْ مَا انْتِه اتْوايِبْ اْلوَرْقَا .... في اْلعَلاوي أوْ طَلْعِك ابْتوقي

يِعِلْ وَقْتِكْ زَين في الشّرقا .... مَعْ ارْيـومْ اطـوال لِعْنُوقـي

لَيْ يحَاتِّنِك مـن اْلفَرْقـا .... وْلِـكْ يِسِيـرنْ دوم بِرْفُوقـي

ويحتويك الزّين لك يِبْقى ....وْيَشْتِفي حالـك مـن اْلعُوقِـي

شاقني في الجيل معناكم

شاقِني في الجيل معناكم ... نوعْ شكله زَينْ وِفنونِه
الهوى ما طاب لولاكم ... وْلا استقام أوشيّد اركونِه
من مذاهبكم ونَجْواكم ... ينتعش ويكون له عونِـه
يا بَخَتْ من حَلّ فِ احْماكم ... يكتسب من فنّكم لونه
عَزّ مَنْ بالحِسِنْ سوّاكم ... بالجمال وحُوَر لِعيونِـه
نُوْر بَازِغْ في مْحيّاكم ... يا ثقيل الـرّوز وِوْزُوْنِـه
جيدْ رِيمْ أو خدّ حَلاّكم ... من شراته خِلجْ في الكونه
ما عِنَيتْ الجيل جدواكم ... لو من السّاير تِعِدّونـه
كاْلحِصَابي يوم نلقاكم ... جِيونٍ فاخر أوْ مَضْمُونـه
ما خِلجْ مزيون شرواكم ... لا ولا في العالم ايْكونه
وان سألتوا وين مِيراكم ... في سويدا قَلْبِي اسْكونه

هِـبوب الوَرد والفِلّي

يا هِبوب الوَرد والفِلّي .... مِطْلِعٍ قاصِد مـن اديَـاري

مرحِبَا بِك عَدّ ما أِنْهَلِّي .... مِالسِّحِب غَيثٍ او ما ياري

او مَرحَبِا مَليون بالخِلّي .... الغِضي لي لِه انـا داري

لَي حِديثِه إلْيِه ايسلّي .... اوْ مِنْ أَشُوْفَه إتزول لكْداري

هُوْ دِوَا لنَّفْس مِ العِلّي .... هَوحِياتي او جَنّتي أو ناري

الوِزير إيصيح ويهِلّي .... دَمعْ عينه سايِلْ أو iيـاري

يِشتِكي من كامِل الدِّلّي .... من وليفهِ لَي خِفى أوْ ذَارِي

عابرٍ في مِحْمَلْ إْبشَلّيِ .... خَاطِـفْ اّبنـاي وِيْمَـاري

سَنِّةٍ وِاْشَراعَه إِمَّلِّي .... موُيتـه فـي بْـردِه إتبـاري

يالخِويْ كانِك تِبيَ اَلْخِلّيَ .... جَرِّب البَنّـايْ للجَـاري

واقْصِد اْلَمضنُون وإدَّلّي .... خَابِرنّكِ فَطِنْ في الـدّاري

اوْلَيْ شَراتِك نَبْه ما إيْزِلّي .... لو ظَلامْ اللَّيْل غَـدَّاري

لَي لَفَيتِه زاهِي الحِلّي .... لي ايْرَحِّبْ لَيْـل وِانْهَـارِي

با يْرَحِّبْ بِك او بَيهَلِّي .... با إتحِسّْ ابْرَاحَتْ أفكـارِي

مِثل ما انْتِه كِنت مِعْتَلّي .... بِه وِزا مِنِّك اُوْلُوْ ايْدَاري

فَرْحِتِك با تَفِرِحْ اْلَكِلّي .... بينِكُمَ يَا مَانِـع أسْـرارايِ

حَيِّ بُجوابٍ رايع

حيّ بْجوابٍ مِنْك رايع.... يا ذا الخوي لَيْ لك معي قَـدّ

شاعِرْ أوجيلك به نوايع.... في اْلفَنّْ مالِكْ عندنـا حَـدّ

واللّي شرات الْفِلّْ فايع.... تِكْبَـر فَرِحْتِـه يـومْ بَتْـرِدّ

غِضّ الِصّبا حلو الِشّوايع.... ياضي شَرى القنديل وازْيَدْ

ما تْلام لَيْ لِهْ صِرْت طايع.... إكْتِمْ وداده واحْفِظ السّـدّْ

حِظَيتْ به زين الطّبايع؟.... عسَاك فـي لاَمَـاهْ تِسْعَـدْ

ساير مَعَا ذَرْب الرّوايع.... وِقْـرومٍ إلْهُـمْ نَـبّْ مِبْعِـد

لي صَيْتِهُمْ بّيِنْ أوذايع.... والنّاس كِلْهَا لْهُـمْ بتشهـد

الحبّ في كِلّْ الشّرايع.... منصوصْ بـه ذِكـرٍ امْوكَّـد

والنّاس له شاري أوبايع.... وحٍَدّ صِدِيْر أو حَدّْ يُـورِد

واللّي غدا مِبْعِدْ أونايع.... الشّوق بـه مَلْـزُومْ يِشَتَـدّ

يعِلك له الكسْباني

حَيّ ابجِوابٍ يَاني... مِنَ مَشغـوبٍ سِليـبْ

يللّيِ مِن الخِلاّني... يَشكـو حَـرَّة لَهيـبْ

مِتْصَوِّبْ أوْ وَلْهَاني... مِن صَدَّاتْ الحَبيـبْ

والّلي بِه مُولِعاَني.. يَا مَانَـعْ أوْ iiصُويـبْ

يعِلك لِه الكَسْبَاني... اوْ تحِضا بهِ عَن قريبْ

حـيّ جـيلٍ يـا بِلَمْثَالي

حيّ جيلٍ يا بِلَمْثَالي .... عند شهمٍ شَخَّـصْ أوصوفَـه

طرّزه اوْ عنّاه في الحالي.... من ذَهَبْ وِمْزيِّن حْروفَه

بان ليِ فِي فَسْره أمْسَالي.... لِلْهِوىَ اوْ مَعْناه وِصْرُوفَه

الغشيم ايتابع الّلالِي.... يقصـده وِيْوَاجِـهْ احْسُوْفَـه

والخبير إيْجِسّ لحوالي.... قَبلْ لا يعني لَهَـا ابْلوفَـه

ما يِبِدِّه صُوعْ وأهْوَالِي.... يِفْهَمْ الواقع مـن ايشوفـه

الملامح تَلْفِتْ البالـي .... لِلنِّبِيْـه اْتكـون معروفَـه

ايْشَخِّصْ الأَشْيَا ولا يْسَالي.... حَذِر عن لا تِلْحَقَه حُوْفَه

لِلْمَحَبِّة طِرْقٍ اطْوالي.... عَدْلـةٍ والبعـض مَحْرُوفَـهْ

تقصد اَلاْشَواقْ جِهّالي .... طامِسْ الاعلامْ مَـا تْلُوفَـه

لو اتْجِدّ أوتْبغي اتْنالي .... لَغْلِبّيِـه إِتْخَسِـر شُوْفَـه

للمودّة وَصِفْ ينقالي.... مَا يْغَتِر عَارِفْ وَلاَ ايْطُوفْـه

بشّةٍ من خاطر الغالي .... تنبني الغالين مَـا صُوفَـه

الهوى ما فيه مِتْعَالي .... بيـن لِمْحِبِّيـن مَنْصُوفَـه

رد رئيس الدولة على
الشاعر حمد بن خليفة أبو شهاب

عِنْصرْ أوْ جُوُدْ

حيّ ابْجِوَابٍ يا: وْمَعْدود... من شاعـرٍ لـه فَـنّْ عـادات

نَظْمَهْ شَرَاتْ الدِّر مشْهود... فِي مِنْ ايْعُوقَه فِي الامـارات

مَشْغُوفْ مِنْ صَافِيينْ لِخْدود... يَللّي لِهُمْ في اْلخَـدّ دَقَّـات

يَلَّلي نِسَمْهُمْ نَفْحِةْ اْلعُـود... يِحْيُـون ويْمِيتـون ساعـات

والوقت مَعْهُمْ جَنِّةْ اخْلود... في مِنْتَهى إنْـسْ أوْشَراغَـات

لو هو بِعيْدٍ مَعكْ موجود... قَلْبِـكْ أوقَلْبَـهْ قَيَّـلْ أوْ بـات

الوقت عنده هُوبْ بمعدود... واِنْ مَرّ عنده هَبْ خِسَـارَات

عَسَاكْ تِتْهَنّا أوْله اتعود... ويبِـشّ لِـكْ قَلْبَـه ابْراَحَـات

وِيْصَافِحِكْ بَاحْلا : مِ لِخدود... من مِبْسَمٍ زَاهِـي ابْدَانـات

بو شْهَابْ مَعْنَا عِنْصرْ أوْ جُود... بَارِزْ وواضِحْ في الإمارات

يلْزَمْ عَلَيْنَـا حَقَّـه اردود... يَللَّـي يِنظِّـمْ حِلْـو لابْيَـاتْ

يــا عويد البان

يا عويد البـان يـا خلـي "" يا فريد الحسـن باخوانـه

روف بي يا كامـل الدلـي "" لا تعـذب نفـس ولهانـه

غيركم يا زين انا من لـي "" منتقنك "م " الغـزر دانـه

معك عفت الخـود بالكلـي "" ماليه فـي غيركـم خانـه

انت شمسي و انت لي ظلي "" و انت لي تسحرني اعيانه

عين خشف الريـم لمفلـي "" و الخدود ورود باغصانـه

والخشم كالسيف منسلـي ""والشفايـا حمـر رويانـه

أتلـع والجيـد متعـلـي "" والشعر طايح على امتانـه

يا بديع الحسـن لا تخلـي "" في هواك الروح شفقانـه

شوفني "م" الحـب معتلـي "" عاكف "ع" لشعر واوزانـه

الامـــــطار

يالسيد اثره العيد عيديـن "" وثالث اعياد الـدر لمطـار

والغيث عود بعـد سنتيـن "" واتباشروا به الناس والدار

مالت له اغصان البساتيـن "" والزهر يانـع والحياثـار

وانشـم بنـات الرياحيـن "" الوطير غني فوق الاشجار

حتى الغضي لي كامل الزين "" راتع ويلعب بين الازهـار

خذ "م " الهايا جيد وعيـن "" وم الليل ماخذ شعر واقمار

فايق على كـل المزاييـن "" له في سويدا خاطـري دار

حبه في قلبي عايش سنين "" ما يختلف لو صار ما صار

برخــص الغالي على شانك

مرحبـا مليـار بقبالـك "" يا سفر داري و الاوطاني

يا سعادة من لفـى دارك "" إلانالي بي الـوزا بانـي

برخص الغالي على شانك "" لا تخلـي حاليـه حانـي

خذنيه بالروف و احسانك "" و انصفينيه منك بوزاني

إسلبتني نظـرة اعيانـك "" و حت نومي ذار ما جاني

هان ربي كل من هانك ط "" يا بصيري و مقلة اعياني

عز لي صورك باحسانـك "" فرد مالـك واحـد ثانـي

بالجمال و منطق لسانـك "" صورك من حور لجنانـي

يك والجيون بها صانـك "" والمباسم ورد والوانـي

نور الفجر
*********

هلا بنور الفجر زاح الظلامي
هلا به ألف ترحيبـه وحيـه
هلا به عد مزن في غمامـي
وما هبـت نسيـم المطلعيـه
أقدم لـه تحيـات وسلامـي
جواب يـوم بـادر بالتحيـه
فهيم ويفهم الـمعنى كلامـي
لبيب العـود لفتاتـه ذكيـه
مهاه إيتم إنسـي وانسجامـي
بدونه حالتـي حالـه شقيـه
وحبي له تسبب في غرامـي
أنا راضي ونفسي له هديـه
تملكني وملكنـي بالزمامـي
و انا سلمت له بنفس رضيه
فلا والله لي مثلـي يلامـي
و فعل الخير مايجزى بسيـه
رعاك الله يا ظبي العدامـي
أمير والغواني لـك رعيـه
جدير بكل حبي واحترامـي
و يكفيني متى ترضى عليـه

وشكـــــــــــــــــــــــــــــــــــرا

يسلموو خيوو..

ع الموضوع النآيس..

وربي يعطيك العافيه..

وما ننحرم من يديدك..

مشكوووره الغاليه ع المرورر
يزاج الله خير

مشكووووووووووور وما تقصر .........

يعطيك العفية.............

نتريا يددك......

العــــفوووووو يالغالي

ومشكووور ع المرور

العفووووووووووو الغالي 00
ومشكووووور على المروووور000

العفوووو الغالي

مشكوور ع المروور